สอยๆ พี่น้องฟังสอย ผักกะเดากินกับลาบปลาโด
ผัวไปแทงไฮโลว์มีเเต่เสียกับเสีย
ว่าสิมานอนนำเมียเมียบัดเสียป๊อกเด้ง
ต่างคนต่างเจ๊งเลยบ่ได้เฮ็ดอิหยังกัน
เพราะเราไม่เข้าใจกัน
เอาเด้อห่านี้หละพ่อคันเดิกมาเเล้วดาวซ่างอ่วยงา
ฝูงดาวปลาโอ๊ยเเลงลงคล้อยคันฝูงดาวสร้อยหยับลงมื้อใหม่
ว่าดาวไก่น้อยหันหน้าอ่วยลง
หั่นเด้อแม่ศรัทธาเลาะซ้งย้ายหญ่างเป็นแถว
เห็นแววๆ เห็นวาวๆ คันเงางวงเหงาง่วง
ฝูงเดือนเด้อน้อเเม่นแสงจ้าแลมาขึ้นใหม่
ไก่นั้นเด้อสิตบปีกท้าขันแก้งส่องแสง
บ่แม่นใกล้สิแจ้ง แล้วล่ะอุ่นบุญศรี
บูรคาราน้อแม่นตรีคันม่วนดงคงกั้ว
ผัวสิพาน้อแม่นเมียนั้นชมดูดอกดู่
มีเด้อแม่แกมสั้นแกมภู่ลายนั้นลายนี้
โอย ดอกนี้ละกะมีพรั่งพร้อม
ดอกพยอมมาใส่ดังด้มดู้
ว่าดูดมแล้วพานางย้ายหญ่าง
พานางชมน้อแม่นดอกตั้งไกลข้างหว่างเขา
เอาเด้อห่านี้ละพ่อคันเดิกมาพอนอแม่นปานนี้
ฟังเสียงหยัง ฟังเสียงคื่น คื่นๆ ฆ้อง คื่นๆ ฆ้อง เสียงส่งลายเเคน
สุดสะเเนนตี่เเตรเเลนต้าน คนเบิดบ้านมาดูมาเบิ่ง
คนลำคนเซิ้งมาลำเข้าใส่กัน
จั้นเเล้วจั้นหมอเเคนหน่ำสับลำ
ลำเด้อแม่ลำกันเเคนลับใส่เเคนดังจ้น
ลำเเคนจ้นสับลำเลงเตร่ เลงเตร่ เลงเตร่ เด้น้อนวลเอ้ย